SAN PABLO CITY, Laguna- Patay sa pamamaril ang isang miyembro ng fraternity sa Purok 2, Barangay San Pedro, sa lungsod na ito nitong Huwebes ng hapon.
Kinilala ng mga pulis ang biktima na si Zeus Javier Magnaye, miyembro ng Scouts Royale Brotherhood (SRB) fraternity at residente ng Barangay San Lorenzo sa lugar na ito.
Batay sa imbestigasyon, pauwi na ang biktima matapos ihatid ang isang babae sa kanyang tahanan nang dalawang lalaki, isa sa mga ito ay nagpanggap na babae, sakay ng motorsiklo ang humarang sa kanyang daan at pagbabarilin siya.
Dinala si Magnaye sa ospital at idineklarang patay mula sa mga tama ng bala.
Tumakas ang mga suspek subalit naaresto sa isang checkpoint sa Barangay Santo Anghel sa lugar na ito, ayon kay San Pablo City police chief Lt. Col. Wilhelmino Saldivar Jr. RNT/SA
