MANILA, Philippines- Pinasinayaan ng Philippine Air Force (PAF) at ng United States Pacific Air Forces (PACAF) nitong Huwebes ang fuel storage facility sa Ebuen Air Base sa Lapu-Lapu City, Cebu.
Sinabi ng PAF na ang proyekto ay sa ilalim ng Enhanced Defense Cooperation Agreement (EDCA) sa pagitan ng Manila at Washington.
“This project, undertaken under the EDCA, will significantly improve the PAF’s fuel storage and distribution capabilities, enhancing operational readiness and logistical efficiency,” pahayag ng PAF.
“It will support humanitarian assistance and disaster relief (HADR) operations, strengthen national defense capabilities, and sustain a wide range of PAF flying missions, including airlift, internal security, and territorial defense operations, thereby reinforcing the Air Force’s ability to respond to various operational demands,” dagdag nito.
Sinimulan ng Himalayan Builders and Engineers, maging ng ACE Builders, ang konstruksyon ng fuel storage facility noong June 22, 2022, at natapos ito noong September 6, 2024.
Makikita sa EDCA facility ang dalawang above-ground storage tanks, ang bawat isa ay may kapasidad na 75,708 litro, base sa PAF.
Mayroon din itong modern fuel handling system, isang covered parking area para sa refueling trucks, at secured perimeter na idinisenyo alinsunod sa security at safety standards, dagdag nito.
Dinaluhan ang turnover at blessing ceremony nina PAF’s Air Mobility Command head Major General Ramil Oloroso at PACAF chief General Kevin Schneider.
Pinasalamatan ni Oloroso ang PACAF para sa pagkumpleto ng EDCA project at patuloy na suporta sa Philippine military. RNT/SA