ITINALAGA ni Pangulong Ferdinand Marcos Jr. si Lieutenant General Roy Galido, hepe ng Western Mindanao Command, bilang pang-66 commanding general ng Philippine Army.
“His extensive experience and well-honed skills resulted in the significant victories of his Command against lawless elements, especially in Mindanao,” ayon sa kalatas ng DND.
Bago pa naging WesMinCom chief, si Galido ay naging commander ng 6th Infantry Division.
“With LtGen Galido at the helm, the Philippine Army will undoubtedly and excellently pursue the strategic path set by the Commander-in-Chief in pursuit of the country’s stability amid the changing security landscape,” ayon pa rin sa DND.
Sinimulan ni Galido ang kanyang 36-year long military career bilang platoon leader ng 63rd Infantry Battalion at bilang company commander sa 1st at 2nd Infantry Divisions.
Pinangunahan din nito ang kampanya laban sa counterterrorism groups sa South Cotabato, Sultan Kudarat, at Maguindanao provinces.
Samantala, papalitan ni Galido si Lieutenant General Romeo Brawner, na ngayon ay pang-60 na chief of staff ng Armed Forces of the Philippines (AFP). RNT