MANILA, Philippines – Nagtapos na ang naisin ng Gilas Pilipinas na makakuha ng isang puwesto sa Paris 2024 matapos yumuko sa Brazil, 71-60, sa semifinals ng FIBA Olympic Qualifying Tournament sa Riga, Latvia ngayong Sabado ng gabi.
Nangamote ang Gilas sa third quarter at na-outscored sila , 24-6, ng No. 12 Brazil, para makuha ang 51-39 lead patungo sa huling canto.
Napakalaki ng kalamangang iyon at hindi na nahobol pa ng mga Pinoy dahilan para matapos na ang kanilang Cinderella campaign sa FIBA OQT nang talunin nila ang world No. 6 Latvia sa opener para makapasok sa semifinal.
Hindi naglaro si Kai Sotto sa laro dahil sa injury na natamo niya laban kay Georgia, ngunit hindi nakaapekto sa Gilas ang pagkawala niya sa simula dahil umabot ito sa 12 lead sa first half.
Nagtapos ang Brazil big man na si Bruno Caboclo na may 15 puntos, nagpista sa loob ng pintura upang itakda ang tono para sa kanyang koponan sa ikatlong quarter kung saan sila ay naghulog ng 14 na hindi nasagot na puntos para sa 41-33 kalamangan.
Kumamada naman ang beteranong Brazilian na si Marcelinho Huertas ng 13 puntos at tiniyak na hindi na makakabalik ang Gilas sa pamamagitan ng mga kritikal na shot sa fourth quarter para selyuhan ang isang puwesto sa final kung saan makakalaban nila ang host Latvia o Cameroon para sa isang biyahe sa Paris.RICO NAVARRO
