MANILA, Philippines – SINABI ng Commission on Higher Education (CHED) na pinalalakas nito ang kanilang ‘internationalization efforts’ para suportahan ang higher education institutions (HEIs) sa bansa.
Sinabi ni CHED chairperson J. Prospero de Vera III ang “significant increase” sa bilang ng mga unibersidad sa Pilipinas na sumali sa global rankings para sa internationalized university programs at projects.
“Last SONA (State of the Nation Address), the President (Ferdinand R. Marcos Jr.) reported 52 public and private universities who have subjected themselves and have been ranked internationally, that has now increased to 86,” ayon kay de Vera.
Kabilang sa pagsisikap ng CHED ang magbigay ng oportunidad para sa PH HEIs na sumali sa international education fairs sa pamamagitan ng sponsored Philippine booths, sponsorship ng mga opisyal ng piling unibersidad na buma-byahe sa ibang bansa para sa “immersion at posibleng program adoption, at nagpapatuloy na workshops” sa hanay ng PH HEIs para sa global ranking requirements at compliance.
Sinabi ni De Vera na ang mga Pangulo ng Mapua University, National University, Polytechnic University of the Philippines, at Philippine State College of Aeronautics ay kabilang sa piling university heads na kasalukuyang ‘on sponsored’ sa pagbisita sa ibang bansa.
“They are now in Harvard looking at programs that can be partnered or can be replicated here. So, I sent seven presidents of Philippine universities in Massachusetts Institute of Technology, Harvard, and Arizona State University,” ayon pa kay de Vera.
Tinukoy din ni de Vera ang ‘adoption of best practices” sa hanay ng PH HEIs, lalo na mula sa excellent-performing universities sa global rankings gaya ng Mabalacat City University, kung saan nasungkit ang ‘highest rank’ pagdating sa paggamit ng Information Technology (IT) sa pagtuturo.
“So, iyong Mabalacat ngayon, lahat ng Philippine universities, pupunta naman doon. Titingnan nila ano ba ang ginawa nito at number one. And then they will also adopt the good things that they are doing. So, it’s a continuous system of Philippine universities looking at each other, comparing, adopting best practices,” ayon kay De Vera.
Samantala, sinabi pa rin nito na ang 86 globally-ranked PH HEIs ay “only account for the results of Word University Rankings for Innovation (WURI), and Times Higher Education Impact Rankings (THE-IR), and the figure may still increase once the Quacquarelli Symonds (QS) rankings release their results.” Kris Jose
