MANILA, Philippines – Posibleng humingi ng dagdag na panahon sa Ombudsman para magkapaghain ng counter affidavit kaugnay sa reklamong kinakarap bunsod ng pag-aresto kay dating Pangulong Rodrigo Duterte.
Nagtungo kanina sa Department of Justice (DOJ) sina Philippine National Police Criminal Investigation and Detection Group (PNP-CIDG) chief Police General Nicolas Torre III at Special Envoy for Transnational Crimes Markus Lacanilao para talakayin ang isinampang report sa Ombudsman ni Senator Imee Marcos, chair ng Senate foreign relations committee.
Kabilang sa iba pang respondent sina Interior Secretary Juanito Victor “Jonvic” Remulla at PNP chief Police General Rommel Marbil.
Sinabi ni Justice Secretary Jesus Crispin Remulla na posibleng hingin nila sa Ombudsman na mabigyan sila ng dagdag na panahon para magsumite ng counter affidavit dahil hindi anila sapat ang ibinigay na sampung araw.
Una nang inatasan ng Ombudsman ang mga nabanggit na opisyal na sagutin ang mga reklamong arbitrary detention, usurpation of judicial functions, usurpation of authority or official functions at false testimony.
Inatasan din ng Ombudsman ang mga respondent na sagutin ang administrative complaint na grave misconduct at conduct prejudicial to the best interest of the service.
Sinabi ni Remulla na baganam magsusumite sila ng magkkahiwalay na salaysay, nagkasundo ang mga ito na magsumite ng iisang sagot para sa procedural issues na nakasaad sa reklamo. Teresa Tavares
