MANILA, Philippines – Nanguna ang graduate mula sa Ateneo de Manila University sa Quezon City sa October 2024 Chemists Licensure Examination.
Samantala, nakakuha naman ang dalawang chemical technicians ng pinakamataas na score sa October 2024 Chemical Technicians Licensure Examination, ayon sa Professional Regulation Commission (PRC).
Nakakuha ng 94.10 percentage rating si Christlen Carlo Lizardo Olivares, o pinakamataas na iskor sa 592 successful examinees.
Nanguna naman sa October 2024 Chemical Technicians Licensure Examination ang graduate ng Eastern Visayas State University na si Dexter Costruas Mas at Justtine James Balde Vega ng Bicol University – Legazpi sa 91.50 percentage score, pinakamataas naman mula sa 2,110 successful examinees.
Makikita ang kumpletong listahan ng mga nakapasa sa pagsusulit sa website ng PRC. RNT/JGC
