MANILA, Philippines – Malugod na tinanggap ng Government Service Insurance System (GSIS) ang pagsisiyasat ng Kamara sa kanilang mga investment activity bilang bahagi ng layunin nitong mapanatili ang transparency at accountability.
Ayon kay GSIS President at General Manager Wick Veloso, sinusuportahan ng ahensya ang mga oversight effort na nagpapakita ng maayos na pamamahala at ng tamang paggamit ng kontribusyon ng mga miyembro.
“All our investments follow three fundamental principles — safety, liquidity, and yield,” ani Veloso. “Every investment undergoes rigorous evaluation by our Investment Committee, Risk Oversight Committee, and Board of Trustees, in compliance with Republic Act 8291,” dagdag pa niya.
Binanggit ni Veloso na patuloy na nakikipag-ugnayan ang GSIS sa mga grupo ng guro at retirado upang tugunan ang mga alalahanin at magbigay ng tumpak na impormasyon.
“The House inquiry gives us another opportunity to reaffirm our commitment to openness and to assure our members that GSIS operates within the highest standards of integrity and governance,” aniya.
Tiniyak din ni Veloso na nananatiling matatag ang pondo, na may total assets na PHP1.92 trilyon at net income na PHP100 bilyon hanggang Agosto. Pinabulaanan niya ang mga ulat hinggil sa umano’y PHP8.8-bilyong pagkalugi, na aniya’y walang basehan at hindi nakasaad sa audited financial statements.
Tiniyak din ng GSIS sa 2.7 milyong miyembro at pensioners nito na ligtas ang kanilang kontribusyon, alinsunod sa prinsipyo ng “Ginhawa (Comfort) for All.” Dave Baluyot
