Halos 299-K pasahero naitala sa mga pantalan bago mag bagong taon – PCG

MANILA, Philippines – Kabuuang 298,871 na pasahero ang na-monitor sa mga pantalan sa buong bansa hanggang sa huling araw ng 2025, ayon sa ulat ng Philippine Coast Guard (PCG) nitong Huwebes.

Ayon sa PCG, mayroong 150,203 na pasahero palabas at 148,668 na pasahero papasok noong Disyembre 31, Bisperas ng Bagong Taon.

Batay sa talaan ng PCG, mas mababa ang mga nabanggit na bilang kaysa sa mga bilang mula Disyembre 26 hanggang Disyembre 30.

Sa panahong ito, ang pinakamalaking dami ng pasahero ay naitala noong Disyembre 29, na may 461,214 (251,308 palabas, 209,906 papasok), na sinundan ng Disyembre 30, na may 458,378 (241,311 palabas, 217,067 papasok).

Ang iba pang bilang ng pasahero ay tulad ng sumusunod:

– Disyembre 28: 441,296 (238,188 outbound, 203,108 inbound)

– Disyembre 27: 420,191 (218,570 outbund, 201,621 inbound)

– Disyembre 26: 391,381 (210,288 outbound, 181,093 inbound)

Ininspeksyon din ng PCG ang kabuuang 1,422 na barko at 1,654 na motorbangka sa 16 na Distrito ng PCG bilang paghahanda sa pagdagsa ng mga pasahero matapos ang pagdiriwang ng Bagong Taon.

Nakahanda ang PCG simula Disyembre 20, 2025, at mananatili sa nasabing katayuan hanggang Enero 4, 2026. Jocelyn Tabangcura-Domenden