MANILA, Philippines- Nakalabas na si Bagyong Hanna ng Philippine Area of Responsibility hanggang kaninang alas-8 ng umaga, ayon sa state weather bureau.
Subalit, sinabi ng Philippine Atmospheric, Geophysical and Astronomical Services Administration (PAGASA) na patuloy na uulanin ang northern at central Luzon ngayong Lunes dahil sa southwest monsoon.
Nauna nang sinabi ng state meteorologists na patuloy na pinalalakas ni Hanna ang southwest monsoon o habagat.
Huling namataan si Hanna 265 kilometers northeast ng Itbayat, Batanes hanggang nitong alas-5 ng umaga at nakataas ang Signal No. 1 sa Batanes.
Ikinasa rin ang yellow rainfall warning was raised sa mga sumusunod na lugar: Metro Manila, Cordillera Administrative Region, Tarlac, Nueva Ecija, Pampanga, Bulacan, Rizal, Cavite, at Batangas
Pinairal naman ang orange rainfall warning sa mga sumusunod na lokasyon: Ilocos Region, Zambales, Bataan, at Occidental Mindoro.
Inisyal na sinabing inaasahang lalabas si Philippine Area of Responsibility (PAR) nitong Linggo ng gabi subalit naantala ito, ayon sa PAGASA.
“Many of the reasons as to why typhoon Hanna behaved somehow erratically for the past few days is because of the high pressure area lingering towards mainland China which keeps Hanna from moving westward that is why we are seeing that there’s a slow-moving trend in the last few bulletins,” paliwanag ni PAGASA weather forecaster Benison Estareja.
Samantala, binabantayan ng PAGASA ang cloud cluster sa eastern portion ng northern Luzon na posibleng maging low pressure area. RNT/SA
