MANILA, Philippines- Tinanggal sa pwesto si Iloilo Provincial Police Office director Police Colonel Bayani Razalan dahil sa conflict of interest sa midterm elections, ayon sa Philippine National Police (PNP) nitong Biyernes.
“‘Yung ating provincial director, hindi po dahil sa insidente siya ay tinanggal, dahil sa ni-report po ng regional director ng Police Regional Office 6 na maaari maging political ang stand ng mga commanders po,” pahayag ni PNP public information office head Police Colonel Randulf Tuaño sa isang press conference.
Sinabi ni PRO6 spokesperson Police Lieutenant Colonel Arnel Solis na ang pagtanggal kau Razalan ay nangangailangan ng clearance mula sa Commission on Elections (Comelec) bago pairalin.
“May request letter na ang PRO6 addressed to Comelec requesting clearance na i-relieved si Sir [Provincial Director]. Waiting tayo ng clearance from the Comelec,” mensahe niya.
“Kapag po sa assessment po ng ating mga regional directors na hindi niya magagampan ng mga tao natin na maging apolitical sa pagpapatupad ng kanilang mga duties, sila po ay temporarily aalisin sa kanilang mga puwesto,” dagdag niya.
Matatandaang nagbabala si PNP chief Police General Rommel Marbil sa mga pulis na nakikibahagi sa partisan politics: “Any active PNP member proven to be involved in partisan political activities will face sanctions, including possible dismissal, in accordance with existing policies and regulations.” RNT/SA
