Home METRO Higit P3.4M tobats nasabat sa hiwalay na buy-bust

Higit P3.4M tobats nasabat sa hiwalay na buy-bust

MANILA, Philippines- Nakumpiska ng sovernment anti-narcotics authorities nitong Linggo, Feb. 2, ang mahigit P3.4 milyong halaga ng shabu kasunod ng pagkakaaresto sa tatlong drug suspects sa hiwalay na buy-bust operations sa Dumaguete City at Lapu-Lapu City.

Dakong alas-7:26 ng gabi, naaresto ng Dumaguete City Police Station Drug Enforcement Unit (lead unit) kasama ang Philippine Drug Enforcement Agency (PDEA) Negros Oriental Provincial Office operatives ang 21-anyos na si alyas ‘Kate’ kung saan nakumpiska sa kanya ang 500 gramo ng hinihinalang shabu sa isang buy-bust operation sa Barangay Talay, Dumaguete City sa Negros Oriental.

“Confiscated during the operation were eight packs of suspected shabu weighing more or less 500 grams with an estimated average market value of P3,400,000 and buy-bust money,’’ pahayag ng PDEA.

Sa parehong araw bandang alas-10:13 ng gabi, nasamsam ng Lapu-Lapu City Police Office (lead unit) at PDEA Lapu-Lapu City team ang P34,000 halaga ng hinihinalang shabu matapos malambat ang 31-anyos na si alyas ‘Troy’ sa isang buy-bust operation sa Barangay Pusok, Lapu-Lapu City.

Sa operasyon, natuklasan ng PNP at PDEA agents ang pitong paketeng naglalaman ng limang gramo ng hinihinalang shabu at ang buy-bust money.

“The pieces of drug evidence were submitted to the PNP Negros Oriental Forensic Unit and the PNP Regional Forensic Unit respectively for chemical analysis and proper disposition,’’ pahayag ng PDEA.

Nahaharap ang mga suspek sa kasong paglabag sa Sections 5 (sale, distribution, trading of dangerous drugs) at 11 (possession of dangerous drugs), Article II ng Republic Act (RA) 9165 kilala rin bilang “The Comprehensive Dangerous Drugs Act of 2002.’’ RNT/SA