MANILA, Philippines- Ide-deploy ng Philippine Navy (PN) ang isa sa offshore patrol vessel nito, ang BRP Ramon Alcaraz (PS-16), upang makibahagi sa ika-limang “Multilateral Naval Exercise Komodo” (MNEK) na magaganap sa Bali, Indonesia mula Feb. 15 hanggang 22.
Sinabi ni PN spokesperson Capt. John Percie Alcos sa isang press briefing nitong Martes na magpapadala ang Philippine Marine Ready Force ng naval task group na kinabibilangan ng BRP Ramon Alcaraz na “committed to figure in various surface and non-warfare related events and serials.”
“As a major exercise in the region, MNEK focuses on enhancing relations and cooperation among participating nations in maritime security operations and humanitarian assistance and disaster response. This exercise allows the PN to deepen ties with regional and global partners, promoting maritime security through combined operations and discussions,” dagdag niya.
Gayundin, sa pakikilahok sa international fleet review at sa maritime security symposium ng MNEK, binanggit ni Alcos na pinagtitibay ng PN ang commitment nito sa pagpapanatili ng kapayapaan at katatagan sa rehiyon.
Ang MNEK ay isang military exercise ng Indonesian Navy na isinasagawa taon-taon sa Indian Ocean at sa Pacific Ocean. Naganap ang unang iteration ng naval exercise noong 2014 sa Batam City sa Indonesia. RNT/SA