MANILA, Philippines – IBINIDA ng pamunuan ng Bureau of Customs (BOC) na nnas amahigit P5 bilyong halaga ng mga ismagel na vape products ang kanilang nasamsam sa unang 10 buwan ng taon bilang bahagi ng pinaigting na kampanya nito laban sa ipinagbabawal na kalakalan.
Sa isang pahayag, sinabi ni Customs Commissioner Bienvenido Y. Rubio na ang mga pagsisikap na ito ay nagresulta sa matagumpay na pag-uusig sa mga indibidwal na sangkot sa vape smuggling.
Nabatid na bukod sa P5.070 bilyong halaga ng vape products na nasamsam mula Enero hanggang Oktubre, sinira rin ng BOC ang 14,100 kahon ng mga forfeited vape products na nagkakahalaga ng P1.480 bilyon na natuklasan sa Valenzuela noong Oktubre 2023.
Nakumpleto ang pagsira noong Abril 5, 2024. Iginiit pa ni Rubio na tinapos ng BOC ang pagkondena sa 19,800 at 8,400 na kahon ng nasamsam na vape mga produkto noong Agosto 16, 2024.
Kabilang sa mga matagumpay na operasyon kamakailan ang pagsamsam ng P12.6 milyong halaga ng mga smuggled na disposable vapes sa San Pedro, Laguna at P6.475 milyong halaga ng iba’t ibang vape device sa Quiapo, Maynila.
Idinagdag pa ng BOC na patuloy nitong pasusulungin ang koordinasyon sa iba pang ahensya, kabilang ang Bureau of Internal Revenue (BIR), Department of Trade and Industry (DTI), at enforcement at intelligence agencies, para magsagawa ng joint operations at isulong ang pagpapatupad ng mga aksyon laban sa smuggled vape mga produkto. JAY Reyes
