NANAWAGAN ang global harm reduction experts sa World Health Organization na muling isaalang-alang ang tobacco control policy nito.
Tinukoy ang pagkabigo na bawasan ang smoking rates at tobacco-related deaths sa buong mundo.
Sa katunayan, hinikayat ng mga panelist sa 2025 Global Forum on Nicotine sa Poland ang WHO at mga gobyerno sa buong mundo na i-adopt ang harm reduction at human-centered policies.
Ang approach na ito ayon sa kanila ay mas epektibong makatutulong sa mahigit bilyong smokers na huminto o lumipat sa ‘less harmful alternatives’ kabilang ang heated tobacco, nicotine pouches at e-cigarettes.
Ang panel na pinamagatang “Reflections on the Framework Convention on Tobacco Control at 20” pinagsama-sama ang mga prominenteng boses sa public health, oncology at consumer advocacy para i-assess ang dalawang dekadang global tobacco control efforts.
Binigyang diin ng GFN panelists ang pangangailangan na i-reframe ang tobacco control sa aspeto ng ‘science, equity at human rights,’ magtataguyod para sa bagong policy era na tanggap ang harm reduction, suportahan ang consumer choice o pagpili ng mamimili at igalang ang mga karanasan ng pinaka-apektado.
Ayon sa kanila, “It is time to move beyond prohibitionist policies towards pragmatic, evidence-based approaches prioritizing harm reduction, innovation and individual dignity.”
Ang mga tanyag na eskperto sa panel ay kinabibilangan nina Professor Tikki Pangestu, dating WHO Director ng Research Policy & Cooperation at ngayon ay Visiting Professor sa Yong Loo Lin School of Medicine, National University of Singapore; Asa Saligupta, director of ENDS Cigarette Smoke Thailand; Dr. Derek Yach, na nagsilbi bilang WHO cabinet director at executive director para sa noncommunicable diseases at mental health, kung saan naging instrumental sa pag-develop ng Framework Convention on Tobacco Control at global dietary guidelines; Professor David Khayat, isang French oncologist at founder ng Paris Charter Against Cancer; at Jeannine Cameron, founder at managing director ng JCIC International Consultancy.
Tinukoy ni Pangestu ang structural challenges na kinahaharap ng low- and middle-income countries sa pagbalangkas ng independent tobacco policies, inihayag ang kanilang sensitibidad sa impluwensya ng WHO.
Binatikos naman ni Saligupta ang impluwensya ng Bloomberg Philanthropies at mga tiyak na non-governmental organizations sa paghubog sa napakahigpit na tobacco policies na pinromote ng WHO.
Binigyang-diin ni Saligupta ang kahalagahan ng consumer access para sa mas ligtas na alternatibo, nagbabala na ang misinformation at regulatory over reach, madalas na pinapatakbo ng well-funded international actors, pinarurupok ang public health goals sa mga bansang gaya ng Thailand, kung saan ang pag-angkat o pamamahagi ng vaping products ay nananatiling ilegal.
Ipinakita naman ni Yach sa FCTC, kung saan tinulungan niyang magdisenyo sa panahon na siya ay nasa WHO, binigyang-diin ang kahalagahan ng lokal na pagsisikap at partisipasyon sa mga bansa kung saan nangyari ang talakayan, sa halip na umasa sa high-level bureaucracy sa Geneva.
Habang kinikilala ang ‘historical significance’ ng tratado, sinabi ni Yach ang ‘uneven at underfunded implementation’ nito.
Winika pa nito na ang pagkabigo ng tratado na tanggapin ang harm reduction ay nalimitahan ang epekto nito , partikular na sa mga bansa na may paulit-ulit na ‘high smoking rates.’
Ikinumpara naman ni Khayat ang FCTC at ang Paris Charter Against Cancer, kung saan sya ang co-author noong 2000.
Sa Pilipinas, sinuportahan naman ni Dr. Lorenzo Mata Jr., pangulo ng advocacy group na Quit for Good, ang panawagan para isang pagbabago sa diskarte ng WHO. KRIS JOSE
