MANILA, Philippines- Sa inaasahang pagkalos ng pamahalaan sa backlog sa motorcycle plates sa mga susunod na linggo, naghahanda na ang Land Transportation Office (LTO) para sa nationwide launching ng digital platform nito para sa delivery ng driver’s licenses at license plates sa buong bansa
Tinaguriang LTOTracker, ipinatutupad na ang digital platform na ito na may kasamang courier services sa Metro Manila at nais ni LTO chief, Assistant Secretary Vigor D. Mendoza II na pairalin ang sistema sa buong bansa.
“We have been receiving positive feedback from the users, some of them saying that they are really feeling the changes, particularly on President Marcos’ digitalization of government services,” pahayag ni Mendoza.
“The success of the live testing and the positive feedback are indications that the LTOTracker is ready for nationwide deployment,” dagdag niya.
Ang LTOTracker ay isang bagong teknolohiya na nagbibigay ng access sa agency clients na ma-track ang estado ng kanilang driver’s licenses at motor vehicle plates at maihatid ito nang diretso sa kanilang tahanan sa pamamagitan ng accredited courier service provider.
“Any fees for courier services are paid directly by the client to the respective Courier Service Provider. Driver’s license cards or plate numbers are packaged in the LTO office to protect the data privacy of the clients,” wika ni Mendoza.
Matatandaang mula 2014 ay nababalot ang LTO sa pagbatikos dahil sa backlogs sa motorcycle at four-wheel vehicle license plates. RNT/SA
