HS jersey ni LeBron isasalang sa auction

MANILA, Philippines – Siguradong mabebebenta ng ilang milyon sa  isang auction ang high school jersey ni NBA star LeBron James.

Ayon sa ulat, ang St. Vincent- St. Mary’s High School jersey ay suot ni James sa hindi malilimutang Sports Illustrated front cover shoots.

Mahalaga ang jersey dahil ito ay isang bahaging kwento sa buhay ni LeBron, ayon kay  Kody Frederick, auction marketing director ng Julien’s Auction.

Nagbukas din ang jersey sa  pagsisimula ni James bago tuluyang maging sikat na basketbolista sa NBA.

Inaasahang mabebenta ang jersey ng  hindi bababa sa $2-milyon.

Sisimulan ang  bidding ng makasaysayang high school jersey ni LeBron sa Setyembre 28.