BUTUAN CITY- Nasabat ng mga awtoridad ang shabu na nagkakahalaga ng P6.8 milyon mula sa hinihinalang drug pusher sa isang buy-bust operation sa Purok 15, Barangay Doongan, nitong Lunes.
Sa ulat kina Police Regional Office-13 Director Police Brig. Gen. Alan M. Nazarro, chief of police sa lugar na ito, kinilala ang suspek na si Mem, 34, ng Marawi City.
Minanmanan si Mem sa loob ng ilang buwan at itinuturing na high-value individual.
Narekober mula sa suspek, kasalukuyang nasa kustodiya ng kapulisan, ang mahigit isang kilo ng shabu.
Nagsasagawa na ng imbestigasyon ang mga awtoridad upang matukoy ang mga kasamahan ng suspek sa illegal drugs trade. RNT/SA
