MANILA, Philippines- Upang paghandaan ang nationwide implementation ng First 1,000 Days (F1KD) conditional cash grants sa Enero 2025, inanunsyo ng Department of Social Welfare and Development (DSWD) na simula ngayong Dec. 6, maaari nang ma-access ng lahat ng Pantawid Pamilyang Pilipino Program (4Ps) household-beneficiaries ang bagong digital platform, “i-Registro.”
Nilalayon ng i-Registro na gawing simple ang proseso ng pag-update sa mga profile ng mga buntis at mga bata sa 4Ps households sa pamamagitan ng digital at self-service platform.
“This digital platform will enable beneficiaries to update the information of pregnant women and children aged 0 to 2 years for F1KD conditional cash grant,” pahayag ni National Household Targeting Office (NHTO) Director Jimmy Francis Schuck II sa isang forum nitong Huwebes.
Aniya, sinusuportahan ng sistema ang implementasyon ng F1KD grants, na nagsusulong ng mas mahusay na health practices sa mga buntis at mga batang wala pang dalawang taong gulang.
“Through the i-Registro, 4Ps beneficiaries can conveniently update their profiles from the comfort of their homes. They can also upload supporting documents online and receive notifications via text or email about the status of their updates within minutes,” pahayag ni Schuck.
Paglilinaw naman ni Shuck, hindi papalitan ng digital platform ang traditional paper-based updating method subalit opsyon lamang para sa mga mayroong mobile devices at internet access.
“We encourage all 4Ps beneficiaries to utilize the i-Registro, as an alternative, innovative, and self-service platform to update their profiles on F1KD, to avoid the need to travel and fall and wait in long lines,” ani Schuck. RNT/SA
