Nahaharap sa mga reklamong diskwalipikasyon at administratibong kaso ang ilang kandidato sa Malabon City sa Commission on Elections.
Kabilang si Rep. Josephine Veronique “Jaye” Lacson-Noel na tumatakbong alkalde, dating Rep. Carmelo “Bem” Noel bilang kongresista, at Angelika Dela Cruz (Maria Lourdes Egger dela Cruz-Casareo) bilang kandidatong bise alkalde.
Ayon sa mga reklamong inihain, kabilang sa mga alegasyon ang umano’y pamimigay ng pinansyal na insentibo sa mga estudyanteng botante ng Malabon kapalit ng suporta, paggamit ng posisyon sa pulitika, at paggamit ng diumano’y bawal na campaign materials.
Kasama rin sa mga iniugnay sa reklamo sina Edwin Dimagiba, Niño Lacson Noel, Concepcion “Concon” San Juan, Erika Dusaran, Sonia Lim, James Ronald “Moymoy” Macasero, Alvin Mañalac, Ading Manzon, at Mark Roque, na pawang kumakandidato sa pagka-konsehal. RNT
