MANILA, Philippines – Maraming pasahero ang na-stranded nitong Huwebes ng umaga, Hulyo 3, dahil sa malakas na ulan sa Metro Manila.
Sa Ortigas Avenue sa Pasig at Commonwealth Avenue sa Quezon City, makikitang nag-aabang ng masasakyan ang mga commuter kahit may payong.
May baha rin sa ilang kalsada—gutter-deep sa westbound ng Quirino Avenue at lampas-gutter sa Andrews Avenue-Tramo, ayon sa MMDA. Bagama’t may baha, nadaraanan pa rin ng lahat ng uri ng sasakyan.
Ayon sa PAGASA, ang Low Pressure Area at Habagat ang sanhi ng pag-ulan.
Inaasahan ang 50-100 mm ng ulan sa Metro Manila at iba pang lalawigan mula Miyerkules hanggang Huwebes ng gabi. RNT
