MANILA, Philippines- Inanunsyo ni Senator Imee Marcos nitong Sabado na muli siyang tatakbo sa pagka-senador bilang isang independent candidate, sa kabila ng pagkakasama sa senatorial slate na ineendorso ng kanyang kapatid na si Pangulong Ferdinand “Bongbong” Marcos Jr., para sa Eleksyon 2025.
Sa social media video post kung saan pinatutungkulan ang kanyang ama, si dating Pangulong Ferdinand Marcos Sr., sinabi ni Imee, “As his eldest, I choose to stand free and firm, like him; in believing that there should be no allegiance but to the Filipino people.”
“It is never easy to stand alone, in campaigns and in politics… But that is the legacy my father left me, that is the legacy of Apo Lakay whom we remember today,” giit pa ni Imee, sinabing nitong Sabado ang ika-35 death anniversary ng kanyang ama.
“I chose to stand alone so that my ading (younger brother) will no longer be put in a difficult position, and my true friends won’t have to hesitate,” wika niya.
“I choose to remain free and loyal—not to any group, but to every Filipino,” pagbibigay-diin ni Marcos, kasalukuyang kasapi ng Nacionalista Party (NP).
“I offer my heartfelt gratitude to President Bongbong, who, despite the anger and extreme cruelty of some, came to my defense and included me in the alliance.”
“Many thanks also to NP and to all my allies who continue to support me, may your trust remain with me,” dagdag niya.
Inanunsyo ni Pangulong Marcos nitong Huwebes ang senatorial slate ng administrasyon sa Alyansa Para Sa Bagong Pilipinas Convention sa Philippine International Convention Center (PICC) sa Pasay City.
Si Imee lamang ang senatorial candidate ng alyansa na hindi dumalo sa nasabing aktibidad. RNT/SA
