MANILA, Philippines – SINABI ng Malakanyang na ang impeachment trial ni Vice President Sara Duterte ay nakaayon sa batas at hindi para pigilan ito na tumakbo sa 2028 presidential elections.
Sa ulat, naniniwala si Davao City Mayor Baste Duterte na ang layunin ng impeachment laban kay VP Sara ay upang pigilan itong tumakbo sa 2028 elections.
Sa panayam, habang nasa The Hague, Netherlands, inamin ng alkalde na hindi niya sinusubaybayan ang impeachment trial na nagsimula noong Lunes dahil, aniya, matagal nang nakaplano ang hakbang na ito ng administrasyon.
Ayon kay Duterte, itinutulak ang impeachment dahil nais ng mga sangkot na manatili sa kapangyarihan.
Samantala, aminado rin ang alkalde na wala silang magagawa kung mauuwi man sa impeachment ang kaso ng kanyang kapatid.
“Do they want the government not to take action, not to follow what the law says, and allow those accused of committing crimes against the nation to escape and get away with it?” ang tugon naman ni Presidential Communications Office (PCO) Undersecretary at Palace Press Officer Claire Castro sa isang Viber message sa mga mamamahayag.
Idinagdag pa ni Castro na “Why don’t they directly answer the accusations instead of just repeatedly claiming that they are being politically persecuted? Have they heard the Vice President deny the issue of misusing public funds and her admission that she was communicating with a killer to carry out a killing?”
Binigyang diin pa ni Castro na pinaiiral lamang ni Pangulong Marcos ang kapangyarihan nito alinsunod sa batas hindi kagaya ng nakalipas na administrasyon.
“Let us remember that punching a sheriff who was merely performing his duty is the true abuse of power,” ayon kay Castro.
Tinukoy ni Castro ang isang court sheriff na sinuntok di umano noon ni Vice President Sara Duterte noong 2011 habang alkalde pa siya ng Davao City. Kris Jose
