MANILA, Philippines – Mariing pinabulaanan ni ACT-CIS Party-list Rep. Erwin Tulfo na walang anumang nilulutong impeachment ang Kamara laban kay Vice President Sara Duterte taliwas sa alegasyon na patatalsikin ito sa pwesto.
“I can categorically say, and it was repeated to me by the Speaker this afternoon…there is none,” paliwanag ni Tulfo.
Una nang sinabi ni Duterte na nais syang patalsikin sa pwesto at si House Speaker Martin Romualdez ang nasa likod nito.
Itinaggi din ni Tulfo na ang naging pagtitipon ng mga political party leaders sa Malacanang kamakailan ay para pag usapan ang impeachment kay Duterte.
“The meeting last night of the House leaders is all about the line-up of the administration’s bets for the 2025 senatorial elections: paglilinaw ni Tulfo.
Una nang iginiit ni Duterte na may mga kaibigan sya sa loob ng Malacanang na nagsabi ukol sa impeachment. Gail Mendoza
