MANILA, Philippines- Inanunsyo ng Sugar Regulatory Administration (SRA) na suspendido muna ang Sugar Order 6 (SO) na nag-uutos ng karagdagang requirements para sa pag-angkat ng sugar alternatives at iba pang sugar-based products, kasunod ng alalahanin na sinabi ng mga kinatawan ng industriya.
Ayon kay SRA chief Pablo Azcona, ang suspensyon ng implementasyon ay napagdesisyunan sa isang miting ng SRA Board noong nakaraang Huwebes, Enero 23, bilang tugon sa alalahanin na binanggit ng mga stakeholders sa sugar industry.
“We have received letters and are actively reaching out to set up meetings with the concerned groups,” ang sinabi ni Aszcona.
Inatasan naman ang Department of Agriculture (DA) na dalian ang talakayan sa stakeholders.
Ito’y matapos na manawagan ang major industry groups sa SRA na muling ikonsidera ang SO 6, hinikayat ang gobyerno na tugunan ang mas lumalawak na implikasyon ng SO hinggil sa ‘importers at concessionaires.’
Sa ilalim ng SO 6, ipinag-utos ng SRA ang implemetasyon ng import clearance fees ng sugar alternatives at sugar-based items gaya ng ‘specially sugar, flavored syrup, lactose, glucose, maltose, maple syrup, honey, at caramel.’
Pinanatili naman ng SRA na ang kautusan ay para sa monitoring purposes, at makalikha ng accurate database sa pagpasok ng sugar-based products, gawing mahusay ang ‘supply at demand planning’ na mapakikinabangan ng mga magsasaka at mga consumers.
Ang Federation of Philippine Industries Inc. (FPI), sa liham nito kay Azcona na may petsang Enero 27, ay nagsabi na layon ng SRA ang mangalap ng data, maaari namang humirit ang ahensya sa Bureau of Customs (BOC) para sa impormasyon, dahil na rin sa data computerization efforts nito.
Sinabi pa rin ng FPI na ang kautusan “merely result in bureaucratic inefficiencies,” itaas ang halaga ng pagtatayo ng negosyo, itaas ang presyo ng beverage at confectionery products, at “ultimately adversely affect the Filipino consumer.”
“We thus urge the SRA to set a dialogue or meeting with the beverage, food, and confectionary industry so that their position can really be heard, studied, and evaluated by the government,” ang sinabi ni FPI chairperson Jesus Lim sa naturang liham.
Para naman kay Azcona, inilarawan niya ang nasabing takot bilang “unfounded,” sabay sabing: “SRA processes over a thousand sugar-related import clearances each year, with typical processing times averaging two to three working days.”
“We have been issuing import clearances for fructose under the same 1702 code since 2017, and there have been no reports of delays or disruptions to business operations,” dagdag niya.
“Again, their fears are unfounded as these are all speculative at the moment, since the order has not been implemented yet, and we welcome the opportunity to sit with them and find solutions to their concerns.” Kris Jose