MANILA, Philippines – PINASALAMATAN ni dating Pangulong Rodrigo “Digong” Roa Duterte ang Iglesia Ni Cristo at executive minister nito na si Eduardo Manalo, para sa pag-organisa ng “National Rally for Peace” araw ng Lunes, Enero 13, dinaluhan ng 1.5 milyong katao sa Quirino Grandstand sa Maynila lamang.
“This is what our country needs in these critical times. Not impeachment. Not a waste of government resources. Not self-serving schemes. Not divisive action. We must unite. We must move forward as one,” ang sinabi ni Digong Duterte sa isang video message.
Nauna nang sinabi ng INC na suportado nito ang pagkontra ni Pangulong Ferdinad Marcos Jr. sa posibleng impeachment kay Vice President Sara Duterte.
Iginiit nito na ang pagtitipon ay hindi pagpapakita ng puwersa laban sa mga mambabatas na nais na patalsikin sa puwesto si VP Sara, nakikitang malakas na posibleng kalaban sa 2028 presidential elections.
Kinilala naman ni Digong Duterte ang mga dumalo sa peace rally, sabay sabing ang kanilang pakikiisa ang nagbigay-diin sa kanilang ‘genuine concern at commitment’ sa bansa.
“Amid all the noise, let us be purposeful and ensure the meaningful future of our children and our children’s children,” ani Digong Duterte.
“Let us demand what is due our people. Let there be strong and resolute leadership in our country. Let us all unite under our flag!” aniya pa rin.
Matatandaang, itinalaga ni Digong Duterte si Iglesia Ni Cristo head Eduardo Manalo bilang “Special Envoy of the President for Overseas Filipinos Concerns.” sa ilalim ng kanyang termino.
At sa pagpasok ng administrasyong Marcos ay muli naman siyang itinalaga ni Pangulong Marcos bilang special envoy for overseas Filipino concerns pa rin.
Si Manalo ang panganay na anak na lalaki ng namayapang si INC executive minister Eraño Manalo.
Kilala ang INC, para sa bloc-voting practice nito, inendorso sina Pangulong Marcos at Vice President Sara Duterte noong 2022 national elections. Kris Jose