Manila, Philippines- Inihayag na ang mga nagwagi sa Sinag Maynila filmfest sa awarding ceremonies na ginanap kamakailan sa makasaysayang Metropolitan Theater.
Wagi ng best actor si Ronnie Lazaro para sa pelikulang “Gospel of The Beast” samantalang ang Fil-Chinese actress na si Rebecca Chuaunsu ay tinanghal namang best actress para sa movie na “Her Locket.”
Ito ang ikatlong award ni Chuaunsu na una nang nanalo bilang best actress sa Wu Wei Taipei International Film Festival sa Taiwan at 2023 Festival International du Film Transsaharien de Zagora sa Morocco.
Nanalo namang best supporting actor si Jansen Magpusao para sa “Gospel of the Beast” at Elora Espano sa kategoryang best supporting actress para sa pelikulang “Her Locket.”
Naiuwi rin ng “Her Locket” ang mga tropeo para sa best picture at best ensemble acting.
Panalo rin ito ng technical awards tulad ng best director at best screenplay para kay J. E. Tiglao, at Maze Miranda, best cinematography para kay Jag Concepcion at best production design para kay James Rosendal.
Nakopo naman ni Bryan Wong ang best editing award para sa action movie na “Banjo.”
Sa kategoryang best short film, wagi naman ang “As The Moth Flies” samantalang itinanghal na best documentary film ang “Ino.”
Ito ang kumpletong listahan ng mga nagwagi.
Best Actor : Ronnie Lazaro (Gospel of the Beast)
Best Actress : Rebecca Chuaunsu (Her Locket)
Best Supporting Actor: Jansen Magpusao (Gospel of the Beast)
Best Supporting Actress: Elora Espano (Her Locket)
Best Director: J .E Tiglao ( Her Locket)
Best Film: Her Locket
Best Screenplay: J.E Tiglao at Maze Miranda (Her Locket)
Best Production Design: James Rosendal (Her Locket)
Best Cinematography: Jag Concepcion(Her Locket)
Best Editing: Bryan Wong( Banjo)
People’s Choice: Talahib
Ensemble Acting: Her Locket
Best Documentary Film: Ino
Jury Prize: Pag-ibig Ang Mananaig
Best Short Film Jury Prize: Ghosts of Kalantiaw
Best Short Film:
First: As The Moth Flies
Second: Bisan Abo Wala Bilin
3rd: Ang Manininuyot ni Papa Jisos
Ang Sinag Maynila ay may extended run sa mga piling sinehan tulad ng Gateway, Robinsons Galleria Ortigas, Robinsons Manila, SM Fairview, SM Mall of Asia, SM Manila, SM Megamall, SM North Edsa, SM Southmall, SM Sta. Mesa, at Market Market. Archie Liao
