Industriya ng abaca sa Catanduanes, suportado ni Camille

MANILA, Philippines – Bumisita si senatorial candidate Camille Villar sa Catanduanes, kilalang abaca capital ng Pilipinas, at muling ipinahayag ang kanyang suporta sa lokal na industriya ng abaca.

Binati niya ang lalawigan, sabay sabing, “Congratulations po sa pagiging world’s top producer of abaca — buhay na buhay po ang inyong ekonomiya at kabuhayan dahil dito.”

Binigyang-diin niya ang pagpapalakas sa agrikultura, lokal na kalakalan, at ekonomiya upang makalikha ng mas maraming trabaho.

Iginiit niya ang pangangailangan ng patas na presyo at dagdag na suporta para sa mga abaca farmers.

Sa kasalukuyan, may 36,853 ektarya ng abaca farms sa Catanduanes na pinapangalagaan ng 15,000 abacaleros.

“Itutuloy-tuloy po natin ang suporta sa Catanduanes at maging sa buong Bicol region,” dagdag pa ni Villar. RNT