MANILA, Philippines – Ipinaalam ng Food and Drug Administration (FDA) ng Pilipinas sa publiko na aktibo itong nangangasiwa at nagbe-verify sa boluntaryong pag-recall ng Nestlé Philippines sa ilang batch ng NAN OPTIPRO at NANKID OPTIPRO infant formula products bilang pag-iingat matapos matuklasan ang isang potensyal na isyu sa kaligtasan at kalidad.
Ang volunteers recall ay kasunod sa isang iniulat na insidente na may kaugnayan sa isang raw material mula sa supplier ng manufacturer.
Kabisado ng FDA na walang mga naitatag na limitasyon sa kaligtasan ng pagkain o regulasyon para sa raw material na natukoy.
Patuloy ang ahensiya sa imbestigasyon upang matukoy ang saklaw ng isyu at masuri ang anumang potensyal na epekto sa kaligtasan.
Pinapayuhan ng FDA ang mga konsumer na tingnan ang mga batch number ng produkto, itigil agad ang paggamit ng anumang apektadong produkto, at sundin ang mga tagubilin sa pag-recall na ibinigay ng manufacturer.
Wala namang mga ulat ng sakit o masamang epekto na nauugnay sa mga na-recall na produkto.
“At this time, the FDA has not received any reports of illness or adverse events associated with the recalled products. While no adverse events have been reported, the FDA fully supports this precautionary action to protect public health, especially infants and young children,” ayon sa FDA.
Pinayuhan ang mga consumer na itigil agad ang paggamit ng apektadong produkto at sundin ang recall instructions.
Patuloy na magsasagawa ang FDA ng inspeksyon at pagsusuri para matiyak ang kaligtasan at kalidad ng mga produkto sa merkado. Jocelyn Tabangcura-Domenden
