MANILA, Philippines – Sinabi ni Iranian Foreign Minister Abbas Araqchi nitong Martes na wala pang tigil-putukan na kasunduan sa Israel, kahit na may naunang anunsyo ang Estados Unidos na magsisimula ito bandang alas-4 ng madaling-araw GMT.
“Sa ngayon, WALANG ‘kasunduan’ sa tigil-putukan o pagtigil ng operasyon militar,” ani Araqchi sa social media.
Dagdag pa niya, kung titigil ang Israel sa “ilang ilegal na pag-atake” bago mag-4 a.m. oras ng Tehran, titigil din ang Iran sa kanilang pagganti. RNT
