Pete Hegseth, President-elect Donald Trump's choice to be Defense secretary, appears before the Senate Armed Services Committee for his confirmation hearing, at the Capitol in Washington, Tuesday, Jan. 14, 2025. (AP Photo/Alex Brandon)
MANILA, Philippines – PINAG-USAPAN nina Philippine defense chief Gilberto Teodoro Jr. at US counterpart nito na si Pete Hegseth ang defense cooperation sa pagitan ng dalawang magkaalyadong bansa, ayon kay Pentagon spokesperson John Ullyot.
Nangako si Hegseth na mananatili ang ‘close coordination’ nito kay Teodoro Jr. at muling pinagtibay ang US’ “ironclad” commitment sa 1951 Mutual Defense Treaty.
Sa ilalim ng MDT, kapuwa nangako ang dalawang bansa na tutulungan ang isa’t isa sakali’t magkaroon ng armed attack at magtutulungan na pataasin ang kapasidad o kakayahan na labanan ang atake.
Ang Estados Unidos ay ‘only treaty ally’ ng Pilipinas.
Pinag-usapan ng dalawang defense leaders ang hinggil sa ‘reinforcing deterrence’ ukol sa West Philippine Sea kung saan kabilang ang “working with allies and partners”.
Pinag-usapan din ng mga ito ang pagpapalakas sa kakayahan ng Armed Forces of the Philippines (AFP).
Samantala, kamakailan ay tiniyak naman ni Teodoro sa publiko na ang suporta ng Estados Unidos sa Pilipinas ay nananatiling pareho lang sa kabila ng pagbabago sa liderato matapos na manalo sa halalan si US President Donald Trump.
“In so far as defense is concerned, I am not worried at all… It [US commitment] remains the same, it remains the same in so far as my talk with the National Security Advisor [Mike] Waltz concerned. We talked about even enhancing existing partnerships,” ang sinabi ni Teodoro sabay sabing magpapatuloy at palalakasin ng dalawang absna ang US-Philippines bilateral at multilateral defense efforts ng mga ito. Kris Jose
