MANILA, Philippines – Kinumpirma ni NCRPO Chief Police Major Gen. Jose Melencio Nartatez, na hindi pa nagrereport o ‘unaccounted’ pa ang isa sa mga pulis na tinanggal bilang security ni VP Sara Duterte.
Ayon kay Nartatez, iniimbestigahan na ang hindi pagrereport ng naturang pulis sa NCRPO Taguig.
Noong nakalipas na linggo, nasa 67 security ng bise presidente ang nagreport, 5 ang nasa schooling, habang dalawa ang galing sa leave dahil umano nagkasakit.
Kung hindi nagrereport ang naturang pulis, sinabi ni Nartatez na maaaring naideklarang AWOL at marami pang matanggal sa serbisyo.
Sinabi ng opisyal na batay sa kanilang impormasyon, wala sa bahay ang pulis. Nakikipag-ugnayan na rin ang NCRPO sa dati nitong unit na Police Security and Protection Group para makaugnayan ang hindi nagrereport na kabaro.
Ayon kay Nartatez, ang 75 pulis na inalis kay VP Sara ay ipakakalat sa Metro Manila para tumulong sa pagbibigay seguridad.
Ginawa ni Nartatez ang pahayag sa kanyang pag-iinspeksyon sa LRT 1 at LRT 2 , Miyerkules ng umaga. Jocelyn Tabangcura-Domenden
