MANILA, Philippines – Suspendido ang operasyon ng Pasig River Ferry sa Disyembre 25 at mula Disyembre 29, 2025 hanggang Enero 3, 2026 bilang pagbibigay-daan sa holiday season at maintenance works, ayon sa Metropolitan Manila Development Authority (MMDA) Pasig River Ferry Service.
Sa inilabas na abiso nitong Lunes, Disyembre 22, inilahad ng Pasig River Ferry Service ang iskedyul ng operasyon ng mga ferry boat:
Disyembre 24, 2025 – Half-day operations
Disyembre 25, 2025 – Walang operasyon
Disyembre 26–27, 2025 – Regular operations
Disyembre 29, 2025 hanggang Enero 3, 2026 – Walang operasyon
Magbabalik ang regular na biyahe ng Pasig River Ferry sa Enero 5, 2025.
Samantala, inanunsyo rin ng MMDA na suspendido ang number coding scheme sa Metro Manila mula Disyembre 23 hanggang 25, 2025 at mula Disyembre 29, 2025 hanggang Enero 2, 2026 kaugnay ng pagdiriwang ng Kapaskuhan at Bagong Taon. RNT/JGC
