MANILA, Philippines – Inaasahan ang maulap na kalangitan at pag-ulan sa buong bansa ngayong Biyernes, ayon sa PAGASA.
Magdadala ng kalat-kalat na pag-ulan at pagkidlat-pagkulog ang Intertropical Convergence Zone (ITCZ) sa Mindanao, Eastern Visayas, at Palawan, na posibleng magdulot ng flash flood o pagguho ng lupa dulot ng katamtaman hanggang malakas na pag-ulan.
Sa Metro Manila at ibang bahagi ng bansa, may posibilidad ng panaka-nakang pag-ulan at thunderstorm dahil sa easterlies.
Katamtaman hanggang mahina ang hangin, at banayad hanggang katamtaman ang karagatan sa buong bansa. RNT
