Nagtamo si six-time All-Star Jayson Tatum ng left ankle sprain sa third quarter at hindi na nakabalik sa 113-95 road win ng Boston Celtics laban sa Sacramento Kings ngayong Lunes (Martes oras sa Manila).
Si Tatum, na umiskor ng game-high 25 points at nagdagdag ng pitong rebounds at walong assists sa loob ng 26 minuto, ay natapakan ang paa ni Domantas Sabonis ng Kings matapos ang 3-point attempt sa 3:35 na natitira sa third quarter.
Matapos ang ilang minuto sa sahig, nagawa pa ni Tatum na mag-free throw bago pinalitan.
Nanguna ang Celtics (53-19) sa 79-68 noon. Binagsakan si Sabonis ng flagrant foul dahil sa pagtakbo sa ilalim ng 3-point shooter.
“Mukhang okay na siya, nag-i-icing lang siya ngayon,” sabi ni Celtics coach Joe Mazzulla sa postgame. “Hindi ko napanood yung play. Tama yung tawag nila, flagrant foul yun. Buti na lang naka-shoot siya ng free throw at nagpapagaling na siya ngayon.
“Alam kong gagawin niya ang lahat para masiguradong gumaling siya.”
Sa 66 na laro ngayong season, nangunguna si Tatum sa Celtics sa pag-iskor (27.1 puntos bawat laro), rebounding (8.7) at assists (6.0).
