LA UNION- Sugatan ang driver at ang 14 pasahero nito matapos na mahulog sa kanal ang minamaneho nitong jitney sa Brgy. Delles, Burgos ng lalawigang ito kahapon ng umaga.
Kinilala ng Burgos Municipal Police Station ang driver ng Jitney na si Esnat Velasco y Batani, 67, may asawa.
Sa inisyal na imbestigasyon, paakyat sa pataas na bahagi ng barangay road ang naturang sasakyan nang magkaroon ito ng mechanical defect (lost brake).
Dumeretso sa riprap fence ang naturang sasakyan at saka ito nahulog sa kanal.
Ang driver at ang 14 na pasahero nito ay isinugod sa Naguilian District Hospital. Rolando S. Gamoso
