PANGASINAN- Naabo ang ilang stalls sa loob ng old public market ng San Carlos City matapos kumalat ang apoy sa naturang establisimiyento bandang alas-5:20 ng madaling araw nitong Huwebes.
Ang naturang old public market ay matatagpuan sa Brgy. Bugallon-Posadas ng naturang lungsod.
Agad na rumesponde ang mga tauhan ng San Carlos City Police Station at BFP-San Carlos City matapos na makatanggap ng report mula sa isang concerned citizen na nasusunog ang old public market ng lungsod.
Patuloy ang ginagawang imbestigasyon ng BFP-San Carlos City para alamin kung paano nagsimula ang sunog. Rolando S. Gamoso
