Manila, Philippines – Hindi pa rin matawag ni Joem Bascon na “papa” ang ama ni Meryll Soriano na si Willie Revillame.
Yan ang napag-alaman namin mula mismo kay Joem nu’ng makausap namin siya sa special screening ng bagong obra-maestra ni Cannes Best Director Brillante Mendoza, ang “Bansa (Motherland).”
Isa si Joem sa mga gumanap sa fallen SAF44 sa controversial Mamasapano incident.
Limang taon nang nagsasama sina Joem at Meryll. Nabibiyayaan ang pagsasama nila ng isang anak na lalaki na si Gido.
“Nahihiya kasi akong tawaging Papa o ano, e. Puwede naming tawagin Senator, Sen. ‘Hi, Sen,'” seryosong biro na sabi ni Joem.
Bising-busy nowadays si Willie sa kampanya para sa kandidatura nito bilang Senador sa May election. Hindi naman daw humihingi ng suporta sa kanila si Willie.
“I guess with Meme (pet name ni Meryll) hindi ko kasi maano kung ano ang napag-usapan nilang dalawa. Pero naka-focus si Meme with work. Pero yung buong puso, kaluluwa, buong pagkatao niya is yung suporta niya, nandiyan for her dad,” paliwanag ni Joem.
But if sabihan daw sila, susuporta sila. Tutulong daw sila the best way na puwede sila ni Meryll na tumulong at hindi patago.
“Pero for now, siyempre focused kami on working, focused kami sa baby namin. At si Sir Wil naman, focused siya sa campaign niya. Pero siyempre kapag… alam mo naman yun, pag pinatawag… siyempre ang dami nang tulong na naibigay sa amin. So, pupunta kami,” paniniyak pa ni Joem. Julie Bonifacio
