John, sabit sa tsikang Richard-Barbie breakup!

Manila, Philippines – Naglipana ngayon ang tsikang split na umano ang rumored couple na sina Richard Gutierrez at Barbie Imperial.

Ang dahilan: may third party involved daw.

Ang siste, itinuturo si John Estrada bilang “eksenador” sa relasyon ng magkasintahang never pa namang umamin na sila na nga.

Allegedly, pinopormahan daw ni John si Barbie.

John and Barbie are co-stars in Batang Quiapo.

Mabilis namang inalmahan ni Barbie na may kinalaman si John.

Unang-una, not once has Barbie daw met John in person kahit magkasama pa sila sa BQ.

Magkaiba kasi sila ng unit.

Tahasang tinawag na fake news ni Barbie ang pagkakadawit ni John being the third party na pinagselosan umano ni Richard.

To top it all, dumipensa rin ang ilan kay Richard.

Wala raw sa bokabularyo ng aktor ang salitang “insecurity” dala ng selos.

As far as the actor’s defenders are concerned: “Malayong mangyaring may pagselosan si Richard as he feels very much secure with himself!”

Hindi raw imminent threat kahit balitang matinik sa chicks si John.

Nangingibabaw rin daw ang tiwala ni Richard kay Barbie. Ronnie Carrasco III