Manila, Philippines – Isinusulong ngayon ng liderato ng Malaking Kapulungan ng Kongreso ang isang panukala na magtutulak sa gobyerno na kagyat na iniysatibo at aksyon sa tuwing may pagtaas sa presyo ng langis dahil sa tensyon sa Gitnang Silangan.
Inihain nina Speaker Faustino “Bojie” G. Dy III at House Majority Leader Ferdinand Alexander “Sandro” A. Marcos ang House Bill (HB) No. 8834, o ang KALINGA Act isang panukalang magbibigay proteksyon sa taumbayan para sa mas mabilis na aksyon laban sa biglaang at tuluy-tuloy na pagtaas sa presyo ng langis.
Hindi lamang ang KALINGA Act bilang emergency assistance measure kungdi ito ay magsisilbing national protection framework upang mapabilis at tiyak ang pagtugon ng gobyerno kapag magkakasabay ang pagtaas ng pamasahe, pagkain, kuryente at iba pang bilihin bunga ng mataas na presyo ng langis.
“Isang galaw lang sa presyo ng langis, lahat tumataas—pamasahe, pagkain, kuryente. Hahanapan ng Kongreso at pamahalaan ng solusyon ang sitwasyon. Sa KALINGA Act, may malinaw na sistema—may trigger, may aksyon, may tulong. Kapag tumaas ang presyo, automatic ang tulong,” ani Marcos.
Ayon kay Dy, ang KALINGA ay hindi ayuda kungdi proteksyon kung saan kabilang dito ang Fuel Price Stabilization Component; Energy Supply, Security, and Inventory Management Component; Targeted Assistance Component; Essential Goods and Logistics Stabilization Component; Micro, small and medium enterprises (MSMEs) Energy Relief and Business Continuity Component; Energy Conservation and Demand Reduction Component; at ang Flexible Fiscal and Regulatory Measures Component.
Mapapabilang naman sa mga magbebenepisyo sa panukalang ito ay mga sektor ng “low-income households, underemployed workers, puransport drivers, farmers, fisherfolk, micro, small and medium enterprises (MSMEs), overseas Filipino workers,” at iba pang sektor na kikilalanin ng KALINGA Inter Agency Task Force.
“The vulnerable sectors refer to individuals, households, and economic groups that are disproportionately affected by fuel driven inflation, price shocks, and supply disruptions, and who have limited or no capacity to absorb increases in the cost of fuel, energy, transportation, and essential goods. The proposed measure outlines a comprehensive response framework composed of several key components aimed at addressing fuel-driven inflation and ensuring supply stability,” ayon pa rin sa mga may-akda ng panukala. Meliza Maluntag
