Kambal tiklo sa shabu sa Iloilo

MANILA, Philippines – Naaresto sa buy-bust operation ang kambal sa Iloilo City nitong Huwebes ng gabi, Abril 4.

Kinilala ng Iloilo City Police Office (ICPO) ang kambal na sina Peter Paul at Peter John Espinosa.

Naaresto ang mga ito matapos na pagbentahan ng sachet ng shabu ang isang undercover police sa Barangay Infante, Molo District.

Nakuha sa mga suspek ang 70 gramo ng shabu na nagkakahalaga ng P503,000.

Kabilang sa listahan ng high-value individuals sa illegal drugs trade ang kambal.

Nahaharap sa kasong paglabag sa Republic Act No. 9165 o the Comprehensive Dangerous Drugs Act of 2002 ang dalawang suspek. RNT/JGC