MANILA, Philippines – Siniguro ng Philippine National Police (PNP) na poprotektahan nito ang karapatan ng mga dumalo kasabay sa pagpapanatili ng kaayusan sa mga isinasagawang rally ng Iglesia ni Cristo (INC) sa buong bansa ngayong Lunes, Enero 13.
Sa pahayag, sinabi ni PNP chief Police General Rommel Marbil na nakipag-ugnayan ang pulisya sa mga organizer ng INC para ipatupad ang traffic at crowd control measures at nagtalaga na rin ng mga tauhan sa strategic areas.
“The PNP is fully prepared to ensure that the National Rally for Peace will proceed safely and peacefully. We are committed to safeguarding the rights of the participants to assemble while maintaining peace and order,” ani Marbil.
“Our officers are trained to act promptly on any contingency, and we will apply the same precision and diligence that led to the smooth conduct of the Traslacion,” dagdag pa niya.
May nakatalagang mga pulis sa Liwasang Bonifacio sa Maynila at iba pang regional sites.
Sa tulong ng Metropolitan Manila Development Authority (MMDA), ay naglatag din ang PNP ng traffic control plan para masigurong madaraanan pa rin ng mga motorista ang ilang kalsada sa paligid ng apektadong lugar.
Naka-antabay din ang medical teams, quick reaction forces, at monitoring units para sa mga emergency.
“The PNP’s mission is clear: to uphold public safety while respecting the participants’ right to peaceful assembly. We are one with the INC in its call for peace and stability,” sinabi pa ni Marbil.
“This public assembly is a symbol of peace, and we encourage everyone to honor the spirit of this gathering. Together, we can show the world that Filipinos are committed to peace while ensuring the safety and security of all,” dagdag niya.
Nanawagan si Marbil sa publiko na manatiling alerto at isumbong ang anumang kahina-hinalang aktibidad, sa mga awtoridad. RNT/JGC