NORTHERN SAMAR, Philippines – Naghatid ng libreng serbisyo legal sa mahigit 500 residente ang Department of Justice Action Center (DOJAC) at ang katuwang na ahensya para sa Katarungan Caravan sa Catarman, Northern Samar noong Agosto 8, 2025.
Katuwang dito ang National Bureau of Investigation, Bureau of Immigration, Land Registration Authority, Public Attorney’s Office, Integrated Bar of the Philippines–Northern Samar Chapter, Inter-Agency Council against Trafficking, and the National Prosecution Service-Region VIII, mga tanggapan ng piskal sa probinsya at lungsod, at Pamahalaang Panlalawigan.
Libreng serbisyo ang legal na konsultasyon, notaryo, NBI at prosecutor’s clearance, payo sa pagpaparehistro ng lupa, at tulong sa isyung pang-imigrasyon ang ilan lamang sa mga serbisyo na dala ng DOJAC.
Nagkaroon din ng Justice in Action Lecture Series tungkol sa Safe Spaces Act, Katarungang Pambarangay, Anti-Trafficking Laws, at Witness Protection Program.
Layon ng Katarungan Caravan na gawing abot-kamay ang hustisya at gawing pantay ang access dito para sa lahat, diin ni DOJ Undersecretary Margarita Gutierrez. Jocelyn Tabangcura-Domenden
