ILOCOS SUR- Swak sa kulungan ang isang 26-anyos na lalaki na taga-Vigan City matapos arestuhin ng mga awtoridad dahil sa kinahaharap nitong kaso sa korte na pitong bilang ng rape.
Bandang alas-10 ng umaga kahapon, Abril 3, nang maaresto sa Jose Singson Street, Brgy. VIII, Vigan City, Ilocos Sur ang suspek.
Dinakip ng mga awtoridad ang suspek sa bisa ng warrant of arrest na inilabas ng Presiding Judge ng First Judicial Region Branch 7, Family Court, Vigan City, Ilocos Sur dahil sa kinahaharap nitong pitong bilang ng rape sa ilalim ng Art 266-A par. (1) of RPC as amended by RA 11648.
Hindi nakapalag ang suspek matapos na isilbi ng pinagsanib na pwersa ng Vigan City Police Station (lead unit) at ISPMFC ang warrant of arrest laban sa kanya. Rolando S. Gamoso
