Kelot grinipuhan ng nakaalitan, dedbol!

PANGASINAN – Tigok ang isang 22-anyos na lalaki matapos na saksakin ng kanyang nakaalitan sa Brgy. Biec, Binmaley ng lalawigang ito kagabi, Agosto 20.

Ang 22-anyos na biktima na walang asawa ay residente ng Brgy. Baybay Lopez ng naturang bayan.

Arestado naman ang 42-anyos na suspek na residente ng Brgy. Biec.

Nabatid na nagkaroon ng mainit na pagtatalo ang suspek at ang biktima na pilit na inaawat ng kapatid ng suspek.

Itinulak lang ng suspek ang kapatid nito at pagkatapos ay sinaksak ng isang beses ng kutsilyo ang biktima.

Isinugod sa R1MC Hospital sa Dagupan City ang biktima.

Gayunman, ang biktima ay nalagutan ng hininga habang isinasailalim ng medical operation. Rolando S. Gamoso