MANILA, Philippines – Isang kelot ang namatay nang pagbabarilin ng hindi nakilalang suspek habang nakikipag-inuman sa mga kaibigan sa Brgy. Buhay na Tubig, Imus City, Cavite.
Sa report, kinilala ang biktima na si Rafael Sabalvaro y Caampued ng Valley Field Subd. Brgy. Mambog, Bacoor, Cavite na namatay dahil sa tama ng bala sa katawan.
Inilarawan ang suspek na nakasuot ng kulay pula na hoody jacket.
Sa ulat, nag-iinumam ang biktima at mga kaibigan nito sa Garnet St., Sheltertown Subd. Brgy Buhay na Tubig, Imus City, Cavite bandang alas-11:40 kamakalawa ng gabi nang dumating ang suspek at walang sabi-sabing pinagbabaril ang biktima na nagresulta sa kanyang agarang kamatayan.
Hindi naman binanggit sa report kung ano ang motibo sa pamamaril.
Nagasasagawa ng backtracking ang pulisya sa Closed Circuit Television (CCTV) sa pagkakakilalalan at pag-aresto sa suspek. Margie Bautista
