ILOCOS SUR-Isinugod sa ospital ang isang 25-anyos na lalaki matapos na sampalin sa likod ng ulo at saksakin sa bandang kili-kili ng dalawang lalaking nakasagutan nito sa harap ng isang burgeran sa Brgy. Paratong, Narvacan ng lalawigang ito kagabi, Setyembre 28.
Ang 25-anyos na biktima ay isang utility worker, walang asawa, residente ng naturang bayan samantalang ang dalawang suspek ay isang 34-anyos na lalaki, may asawa, residente ng Sta. Maria, Ilocos Sur at isang 55-anyos na lalaki, walang asawa, residente ng Sta. Lucia, Ilocos Sur.
Kinompronta umano ng dalawang suspek ang biktima ng walang dahilan hanggang sa magkaroon sila ng mainit na pagtatalo.
Sa gitna ng kanilang pagtatalo, bigla na lang sinampal ng isa sa mga suspek ang biktima sa likod ng kanyang ulo samantalang ang isa pang suspek ay sinaksak naman niya ang biktima sa bandang kili-kili nito.
Agad naman naaresto ang dalawang suspek. Rolando S. Gamoso
