MANILA, Philippines – Patay ang isang lalaki makaraang pagbubugbugin ng suspek sa isang bakanteng lote sa likod ng isang bangko makaraan ang kanilang pagtatalo sa Dasmarinas City sa Cavite.
Namatay sa pinangyarihan ng insidente ang biktima na si alyas Alyas Andro dahil sa bugbog sa katawan.
Nasa kustodiya na ng pulisya ang suspek na si alyas Arnel matapos maaresto sa isang follow-up operation ng pulisya.
Una dito, nakita ang biktima at suspek na nagtatalo sa harapan ng RCBC Bank sa kahabaan ng Aguinaldo Highway, Brgy. Zone 4, Dasmarinas City, Cavite bandang alas-2:00 ng madaling araw.
Hindi naman binanggit kung anong pinag-ugatan ng kanilang pagtatalo.
Ilang sandali pa ay nagtungo ang dalawa sa madlim na bahagi ng bakanteng lote ng nasabing bangko hanggang sa nakita na lamang ng pinsan ng biktima na wala ng buhay.
Kaagad namang naaresto ang suspek sa isinagawang follow up operation ng pulisya. Margie Bautista
