MANILA, Philippines- Kasalukuyang sarado ang Kennon Road sa Tuba, Benguet sa mga sasakyan dahil sa road slip sa bahagi nito, base sa Department of Public Works and Highways (DPWH) nitong Sabado ng umaga.
Sa road advisory, sinabi ng DPWH-Cordillera na patuloy ang pagkumpuni sa Camp 2 upang buksan ang isang bahagi sa mga motorista.
“Equipment and manpower have been deployed to clear stockpiled materials along the road in order to make the section one lane passable,” base sa DPWH.
Pinayuhan ng departamento ang publiko na dumaan sa Marcos Highway at Asin-Nangalisan-San Pascual Road bilang mga alternatibong ruta. RNT/SA
