KINOKONSIDERA ng Department of Education (DepEd) ang pagsasagawa ng make-up classes sa ilang Sabado.
Ang plano ay naglalayong makahabol sa posibleng kakapusan ng ‘classroom days’ dala ng pagtatapos ng School Year (SY) 2024-2025.
Sa isinagawang pagdinig ng House committee on basic education and culture, sinabi ni DepEd Director Leila Areola na inaasahan na ang SY 2024-2025 na magsisimula sa Hulyo 29 at magtatapos sa Marso 31, 2025 — ay nangangahulugan na mayroon na lamang 163 araw para sa academic year.
Gayunman, sinabi ni Areola, na kailangan pa rin nila na konsultahin ang mga stakeholders sa isyung ito.
“Although we still still need to be consulting our teachers and that of our learners. Because of the aggressive shift, we’ll be reducing the school year to something like 163 (days),” ani Areola sa mga mambabatas.
“So we’re considering the conduct of Saturday classes, most likely, but it’s not going to be every Saturday,” aniya pa rin sabay sabing “There will just be certain Saturdays that we need to conduct, for example, distance learning, so that they will be able to cover the competencies that might not be covered with the reduction of the school year, Mr. Chair.”
At nang tanungin naman ni committee chairperson at Pasig Rep. Roman Romulo kung anong batas o DepEd’s orders ang nagsasaad na may 180 school days ang nasa minimum para sa school year, sinabi ni Areola na wala namang ganoong batas.
Tinuran ni Areola na ang batas ukol sa nasabing usapin ang nagdidikta ng maximum number ng school days, ang average number ng school days simula SY 1993-1994 ay 203 lang.
“Actually, Mr. Chair, when we went over the two RAs… so you’re correct when you mentioned that. RA No. 7797 actually mentioned this – the lengthening of the school year until 220 (days) and there’s no law actually that speaks about the 180 (days) as the minimum,” anito.
“However, if we take a look at the total number of school days from that or from School Year 1993-1994 to present, Mr. Chair, the average number of school days even is 203,” aniya pa rin.
“And I have to mention that when the curriculum was prepared, they calculated actually the 180 days as much as possible to be the minimum number of school days,” dagdag na pahayag nito.
Samantala, nang tanungin naman ni Kabataan party-list Rep. Raoul Manuel si Areola kung kailan dedesisyunan ang nasabing panukala, ang sagot ng DepEd ay makokompleto ang konsultasyon ngayong buwan. Gail Mendoza
